Adobe Photoshop 2021 كورس الفوتوشوب العملي من الصفر للاحتراف

أهلا بيكم في كورس الفوتوشوب العملي من الصفر والي الاحتراف ..

الكورس مقسم لـ 7 أقسام اساسية:

1- في القسم الاول هنتكلم عن interface أو الواجهة الاساسية في برنامج الفوتوشوب 2020 وكمان هنشرح layer panel وازاي نتعامل معاها وكمان هنتكلم عن ادوات رسم الاشكال المغلقة، وهنبدأ مع بعض أول تطبيق عملي مع تصميمين مختلفين لكروت شخصية.

2- نيجي بقا للقسم التاني وهنتكلم عن selection tools أو ادوات التحديد جوه الفوتوشوب وهنتعلم الطرق والتكنيكات الخاصة بالقص بشكل احترافي وازاي نفرغ الخلفيات، وكمان هنتعلم ازاي نرسم Backgrounds أو خلفيات بشكل احترافي وأنواعها المختلفة وازاي نتحكم ونعدل فيها واختيار افضل تناسقات لونية

كمان نتعامل مع التحويل او transform في الفوتوشوب وفي نهاية القسم بنعمل تطبيقات عملية وهي عبارة عن تصميمات سوشيال ميديا احترافية مختلفة، بداية من اختيار الخلفيات المناسبة ولحد اختيار الصور والعناصر اللي هنستخدمها في التصميمات دي.

3- في القسم الثالث بنتكلم عن أداه الكتابة وأنواع الكتابة وازاي نتعامل مع الخطوط وأهم مواقع تحميل الخطوط وازاي نحملها وبنعمل تطبيق عملي علي كل الكتابة عشان نستوعب ونفهم اللي شرحناه.

4- وبعدين فالقسم الرابع بنتعامل مع أهم واخطر أداه في الفوتوشوب وهي أداه pen tool وبنتعلم أساسيات وقواعد الاداة و ازاي نتعامل معاها ، وبنعمل كمان تطبيقات عملية علي الاداة زي رسم شعارات احترافيه زي لوجو تويتر وباتمان وبنعمل تصميم كامل لكرت احترافي..

5- وبعدين بنيجي للقسم الممتع وهو الريتاتش او الايديت داخل الفوتوشوب وبنتعلم ازاي نشتغل مع الادوات المختلفة عشان نزيل عيوب الصور ونتلاعب بشكل احترافي في الصور ونتحكم في تفتيح وتغميق وتشبع لون البشرة..

6- وفي القسم السادس بنتعامل مع الماسك وبنعرف اهميته وبنفهم القواعد الاساسية للماسك وكمان بنتكلم عن clipping mask وطبعا بنشرح عليهم تطبيقات مختلفة عشان نفهمهم ونستوعبهم بشكل كبير..

كمان بنشرح أهم الفلاتر وازاي نستخدمها عشان نطلع صور احترافية وكمان بنشرح Adjustment وازاي نتعامل معاها وبنشرح عليها تطبيقات عمليه كتيرة زي تحسين الاضاءة والتباين اللوني وكمان ازاي نغير لون العين و نغير لون التيشرت كمان وازاي نعمل تبييض وتفتيح للاسنان وازاي نطبق تأثير الابيض والاسود وغيرها كتير.

7- وفي القسم الاخير بنتكلم عن الادوات المتقدمه في الفوتوشوب زي التايم لاين وهنتعلم ازاي نعمل تحريك او انميشن داخل الفوتوشوب وهنعمل تطبيقات مختلفه عن الموضوع ده.. ازاي نحفظهم بصيغه الفيديو وصيغة الgif

وكمان هنتعلم ازاي نصنع اشكال ثلاثيه الابعاد 3d وازاي نتعامل معاها ونتحكم في الاتجاهات وموضع الكاميرا والماتيريالز وموضع الاضاءه وازاي نعمل render وغيرها كتير ..

واخر حاجه بنتكلم الاكشنز وازاي نحملها وازاي نصنع اكشن خاص بينا..

عشان تبدا الكورس انت مش محتاج اي خبره سابقى في الفوتوشوب او برامج التصميم

كل اللي محتاجه يكون معاك جهاز كومبيوتر ووصلة نت وتكون حابب انك تتعلم وتطور من نفسك