After Effects من الصفر الى الاحتراف
من الحاجات الي بقت مطلوبه جدا و ممكن تفتحلك مجالات عمل و دخل ممتاز
سواء في شركات او كفريلانسر
هي فيديوهات الموشن جرافكس
أي شركه كبيره او حتي صغيره بتروج لنفسها و منتجاتها بالفيديوهات الدعائيه
سواء علي اليوتيوب او الفيسبوك و السوشيال ميديا عموما
في الفيديو دا لقطات من اعمالي .. موشن جرافكس دعائي
و في الكورس الجديد بشرح بالتفصيل ازاي تعمل زيهم
ابتديت من الصفر من اساسيات البرنامج
بعدها ناخد تطبيقات مختلفه زي ما بعمل دايما في كورساتي
و عشان اضمن انك تطلع من الكورس مؤهل للشغل انا اخترت الفيديوهات دي عشان اشرح كل شئ عن مشروع واقعي تم تنفيذه بالفعل
اتكلمت عن كل شئ يخص المشروع من اول ازاي العميل بيبقي عنده فكره بسيطه و بناقشه فيها و نطورها سوا و وضع السيناريو او السكربت الي هانمشي عليه
و ازاي بنحدد المشاهد المصاحبه للاسكربت و الشخصيات الي بتتحرك
انتهاء بتسجيل الصوت و كل فنياته
ما حبتش يبقي مجرد كورس بيشرح البرنامج و خلاص
تحريك الشخصيات دا بأستخدام سكربت بيتم اضافته للبرنامج و هو
duik bassel
و الي طبعا بشرحه بالتفصيل
و هانستعمل سكربتات تانيه مهمه زي
motion 2
دا مش مجرد كورس و ينتهي لكن دايما هاضيفله دروس و فيديوهات جديده كل فتره
لحد الان الكورس اكتر من 18 ساعه و في ازدياد
دورات ذات الصلة
